Abstract

Füzuli Qurbanovun “Heydər Əliyev və yeni liderlik: fəlsəfi-elmi təhlil” kitabı AMEA Fəlsəfə və Sosiologiya İnstitutunun Elmi Şurasının 05.04.2023-cü il tarixli, 02 saylı iclasının qərarı ilə çapa məsləhət görülmüşdür. Əsərin elmi redaktorları prof. İlham Məmmədzadə və t.e.d. Eynulla Mədətli, rəyçiləri prof. Etibar Nəcəfov, prof. Cahangir Məmmədov və redaktoru Qabil Camalovdur. Müəllif kitaba “Ön söz”lə başlayır. Burada Heydər Əliyevin şəxsiyyət kimi davranışları, bir vətəndaş olaraq mövqeyi, başçı-lider vəhdətində dövlət xadimi kimi Azərbaycana olan böyük sevgisindən söhbət açılır. Sonra isə Heydər Əliyevi dövlət başçısı və lider kimi doğru anlamaq üçün Azərbaycanın müstəqilliyini ürəkdən sevmənin zəruri olduğu vurğulanır.